تـجارب تصوير

 صـباحكم سرور.. =(

قبل اسبوع تقربياً .. اختي سوت Cupcake  وجلست أسوي معاها الزينة.. وبعدين لما خلصت فكرت اني اصوره..وأجرب اطوّر تصويري فيه.. خصوصاً اني لي مدة وأنا دايماً أدخل دروس تصوير بالنت.. واتعلم أكثر.. فقلت خل أطبق واجرب .. D:
وهذي الصورتين من النتائج:

اضغط على الصورة حتى تنفتح بالحجم الأصلي

اضغط على الصورة  حتى تنفتح بالحجم الأصلي

الصورة الثانية أحس زايدة الإضاءة فيها شوي.. عاد ماسويت أي معالجة للصور..

يمكن لو سويت معالجة للصورة الثانية راح تكون أحلى..


وهنا سويت تطبيق ﻷحد الدروس اللي لقيتها بمدونة أحد المصورين..

و جازت لي صراحة 3> وهي ان الشخص نفسه يكون موجود أكثر من مرة في نفس الصورة.. وبصراحة يبيلها دقة في التنفيذ :/

 حبيت أعرضها لكم وأوريكم اياها.. وش رايكم..؟! P:

اضغط على الصورة حتى تنفتح بالحجم الأصلي

لا يهمكم اللبس ..XD  عيا علي يغيّـر ويكشخ.. قلت أهم شيء أطبق الدرس وأشوف وش يطلع معي.. P:

أنا أحب التصوير .. وكثير أقرأ عن التصوير بالنت.. وأقرأ الدروس و كيف أتعامل مع الكاميرا ..و من زمان شارية الكاميرا وقاعدة أحاول أطور نفسي فيها .. لكن ماكانت نتائجي ترضيني.. :( غير اني انشغلت كثير بدراستي.. والحمدلله الحين إجازة و عندي وقت..

أفكرأفتح لي فليكر.. عشان أتحمس أصور..  وأطوّر هوايتي أكثر.. 3>

قربت العشـر الأواخر من رمضان.. 

أدعو الله لي ولكم أن لا ينتهي هذا الشهر إلا وقد رحمنا وغفر لنا و أعتقنا من النار.. 3> : (

 آميــن